చర్చావేదిక

ఈ ఆదివారం మీకు విశ్రాంతి లేదు....

2008-08-02T23:01:00.000-07:00

పలు దినపత్రికలనుండి వివిధ అంశాలను తీసుకుని,వాటిమీద చిన్నపాటి చర్చను ఇక్కడ జరపాలన్నది ఈ టపా ఉద్దేశ్యం.అందరూ అన్నిటికి సమాధానాలు ఇచ్చినా సంతోషమే,కొందరు కొన్నిటికి,లేక అన్నిటికి జవాబులు చెప్పినా సంతోషమే.వీలయినన్ని ఎక్కువ సమాధానాలు ఇచ్చేందుకు ప్రయత్నించాల్సిందిగా మనవి.అందుకే ఈ ఆదివారం మీకు విశ్రాంతి లేదు అంది...:)

వార్త దినపత్రిక వారు ఆహ్వానిస్తున్న ఈ చర్చకు మీరిచ్చేసమాధానాలు ఏమిటి?

తనవయసుకు సగానికి పైగా పెద్దవాడిని ప్రేమించటం,పెద్దలు కాదనటం,ఇంట్లొ బంధించటం...ఇదంతా ఏమిటసలు??

ఇలాంటి పొలంగట్టుల మీద,కాలవకట్టలమీద కనీసం మన పిల్లలు ఆడుకునే రోజులొస్తాయంటారా?

చందమామ పత్రిక పిల్లలకు పోటీలు నిర్వహించటం లో అంతరార్ధం పత్రికా ప్రచారమా?లేక పిల్లల్లో అవగాహన పెంచటమా??కానీ పూర్తిగా మహానగరాలను మాత్రమే ఈ పోటీలకు వేదికలుగా ఎంపికచేయటంలోని పరమార్ధం?

ఆంధ్రజ్యోతి లాంటి పత్రిక ఇలాంటివాల్ పేపర్లు పైగా పరోక్షంగా మద్యపానానికి ప్రచారం చేసే వాటిని ప్రచురించవచ్చా?దీనివల్ల ఎవరి మనోభావాలు దెబ్బతినలేదా??

మహేష్ బాబు కాంగ్రెస్ పార్టీకి ప్రచారానికొస్తాడా?ఒకవేళ వస్తే తప్పేమిటి?నందమూరి వారసులంతా తెలుగుదేశం పార్టీకి ప్రచారానికి వస్తే కుటుంబమద్ధత్తు ఎందుకయ్యింది?అదే మహేష్ బాబు వస్తే పద్మాలయకు లాభం చేకూర్చే పని ఎలాఅయ్యింది?

కధారచయితలు తయారౌతారా?పుట్టుకొస్తారా?అవగాహనా సదస్సుల వల్ల సమకూరే లాభాలు??

తండ్రికి కొడుకే కాడెద్దు కావటమనే దైన్యస్తితి ఎందుకొచ్చింది?ఎలా తీరుతాయి మనరైతులకీ వెతలు?

కాంగ్రెస్ పార్టీలోనే ఉంటూ చిరంజీవి పార్టీకి పనిచేస్తాను..అంటున్న చేగొండి హరిరామజోగయ్య మాటలకు అసలు అర్ధముందా?ఉంటే ఏమిటని మీభావన?

రాజమండ్రి పురపాలకసంఘం వారు,కందుకూరి వీరేశలింగంగారి భవనానికి ఇంకా పన్ను కట్టమని తాఖీదులు పంపుతున్నారు,ఆయన గురించి సదరు రా.పు.సం వారికి మీరు ఎలా జ్ఞానబోధ చేస్త్రారు?

పద్యకావ్యాలకు ప్రత్యేకంగా పోటీలు ..వీటివల్ల తెలుగుపద్యానికి,ప్రత్యేకంగా ఒనగూరే ప్రయోజనముంటుందని మీరు భావిస్తున్నారా??

ఈరెండు దినపత్రికల్లో ఈలావు బూతులు

2008-07-29T06:07:00.000-07:00

ఈరెండు దినపత్రికల్లో ఈలావు బూతులు ఇన్ని దశాబ్దాల్లో ఎప్పుడూ చూడలేదు నేను.యనభైల్లో యన్.టీ.ఆర్.ఎవడబ్బసొమ్మని అన్నందుకే గగ్గోలు పుట్టింది,మరి ఈ ప్రేలాపనలు ఏమిటి?అసలు వాగింది వాగినట్లు అచ్చంగా అలాగే ఇకనుంచి ఇస్తారేమో!!!???

ఆంధ్రజ్యోతి లో ఇలా.
ఈనాడు లో ఇలా,

ప్రజాశక్తి,

సాక్షి,

వార్త,
ఆంధ్రభూమి

2008-07-25T22:24:00.000-07:00

ఇటీవల దీప్తిధార సి.బి.రావు గారు ఐ.టి పరిశ్రమలో దొంగ సర్టిఫికెట్లతో కొందరు ఉద్యోగాల్లో చేరటం,పట్టుపడటం గురించి మంచి చర్చను లేవనెత్తారు.నేను విశాఖపట్నంలో జరుగుతున్న ముఖ్యంగా యస్సీయస్టీ సర్టిఫికెట్లమీద కొందరు ఎలా ప్రభుత్వ ఉద్యోగాలు ఇప్పటికీ ఎట్లా సంపాదిస్తున్నారో చూడొచ్చు అని రాసాను.ఈ మధ్య ఒక్కరోజులో డ్రైవింగ్ లైసెన్సులు,రక్షణ రంగంలో,చివరకు భూమిపట్టాల కోసం ఎలా బోగస్ పట్టాలు సమర్పిస్తున్నారో ఈ వార్తల క్లిప్పింగుల ద్వారా చూడగలరు.

టీవీ నైనూ,మంద కౄష్ణా..ఇవి జరిగే పనులేనా అని!!!??

2008-07-21T21:43:00.000-07:00

టీవీ నైనూ,మంద కౄష్ణా..ఇవి జరిగే పనులేనా అని!!!??

ఇక ఈ సంబడమేదో చూడండి

అశ్లీలం మరియూ సెన్సారు వారు,మరి ప్రేక్షకులూ,పాఠకులూ,బ్లాగర్లూ?

2008-07-19T23:08:00.000-07:00

ఆంధ్రజ్యోతి మీది దాడి మొదటిది కాదు,చివరిదీ కాదు..

2008-06-25T05:14:00.000-07:00

అర్ధరాత్రి ఆంధ్రజ్యోతి దినపత్రిక సంపాదకుడు,మరిద్దరు జర్నలిస్టులను అరస్టు చెయ్యటం పట్ల నా నిరసనను తెలియజేస్తున్నాను.ప్రపంచవ్యాప్తంగా జర్నలిస్టుల
యోగక్షేమాలు గురించి,సాధకబాధకాల గురించి ఏర్పడిన అంతర్జాతీయసంఘం కమిటి
COMMITTE FOR THE CONCERNED JOURNALISTS,NEWYORK(http://www.concernedjournalists.org/) సభ్యుడిగా ఇటీవల కాలములో పాత్రికేయులపట్ల కొన్ని
సంస్థలు ,వ్యక్తులు జరుపుతున్న అరాచకాలు,దాడులను పరిశీలిస్తుంటే అధికారపార్టీ,ప్రతిపక్షపార్టీ అని ఎలాంటి తేడాలు లేకుండా దుందుడుకు చర్యలకు పాల్పడుతున్నారని అవగతమౌతుంది.కానీ,కర్ర ఉన్న వాడిదే బర్రె అన్నసామెత ఇక్కడ పరోక్షంగా అమలుతుంది.కాస్త నోరు గలవాడిమీదో,పెద్దమీడియా సంస్థలలోనో పనిచేసేవారి మీద జరిగే దాడుల పట్ల వివిధ సంఘాల,మీడియా ఖండనలు,నిరసనలు ఒకరకంగా ఉంటే బక్కబడుగు వ్యక్తులు,సంస్థల్లో పని చేసేవారికి ఆమాత్రం సానుభూతి,సహానుభూతి కరువౌతుంది.

ఉదాహరణకి నెల్లూరు జిల్లా ఉదయగిరి లో వార్త విలేఖరికి జీవనాధారమైన హోటలును కూల్చి వేసారు.కానీ రాష్ట్రస్థాయిలో దాదాపు ఎలాంటి మద్దతు లభించలేదు

తాజా గొడవకు మూలకారణమైన బాడుగనేతలు అన్న వార్తాంశం పై ఆంధ్రభూమి సంపాదకులు యం.వి.ఆర్.శాస్త్రి గారు తన సహజశైలిలో ఇలా స్పందించారు.

జనసామాన్యం లో అధికసంఖ్యాకులకు మీడియా సరైన ప్రాతినిధ్యం కల్పించటం లేదంటూ పొనుగోటికృపాకర్ మాదిగ ఇలా అంటున్నారు..

ఇక ఉత్తరాంధ్రలో చింతకాయల అయ్యన్నపాత్రుడు అనబడు తెలుగు దేశం పార్టీ నేత వీరంగాలు ఇక్కడి జర్నలిస్టులకు కొత్తకాదు.ఇది ఇటీవలి వారి ఉగ్రరూపానికో ఉదాహరణ..

కొద్దిరోజుల క్రితం యన్టీవి విలేఖరి మీద జరిగిన దాడి గూర్చి పెద్దలు పెద్దగా స్పందించలేదు.అసలు జర్నలిస్టు నాయకులు ఏసందర్భం లో ఎలా స్పందిస్తారో అర్ధం కావటం లేదని జర్నలిస్టు మిత్రులు ఆక్రోశిస్తున్నారు.చూడాలి ఆంధ్రజ్యోతి,మంద కృష్ణమాదిగల వివాదం ఏ మలుపు తీసుకుంటుందో...

ఈవార్తను ఎవరైనా చదివారా?చదివినా స్పందించలేదా?

2008-06-24T09:54:00.000-07:00

పాఠశాల,కళాశాలల స్థాయి లో తెలుగు విద్యాబోధనను విపరీతంగా ప్రభావితం చేసే ఈ వార్త 19 తేదీన ఆంధ్రభూమి దినపత్రిక ప్రచురించింది.మిగిలిన పత్రికల్లో ఎవరైనా ఇంతప్రాముఖ్యత కలిగిన వార్తను చూసుంటే తెలియజేయగలరు.

ఈనాడు,సాక్షి ఒక్కలాగే "ఆరేసాయి"

2008-06-23T03:41:00.000-07:00

అయ్యా అదీ సంగతి.ఇవ్వాళ్టి ఈనాడు,సాక్షి దినపత్రికలు ఫెదరర్ వార్తను ఒక్కలాగా ఎలా ఆరేసాయో చూసారుగా!!!

ఇక్కడో చిన్న తమాషా ఉంది

2008-05-26T04:31:00.000-07:00

ఇవ్వాళ్టి ఆంధ్రజ్యోతి దినపత్రిక నవ్య పేజీలో విజయానికి మేము సైతం... శీర్షికన ఉపఎన్నికలలో పోటీచేస్తున్న కొందరు అభ్యర్ధుల భార్యల అభిప్రాయాలు,ఛాయాచిత్రాలు ప్రచురించింది.కానీ ఇక్కడో చిన్న తమాషా ఉంది,చెప్పండి చూద్దాం.

చంద్రబాబు భూతవైద్యం

2008-05-24T23:32:00.000-07:00

ఈ మధ్య ఆంధ్రజ్యోతి దినపత్రిక వరుసగా రెండు రోజులపాటు రెండు వార్తలు ప్రచురించింది.ఒకటి భూతవైద్యానికి,మరొకటి మూఢనమ్మకానికి సంబంధించింది,ఒక దాంట్లో భూతవైద్యం చేయించుకుంది సాక్షాత్తు తెలుగుదేశం పార్టీ అధ్యక్షుడు చంద్రబాబు నాయుడు కాగా,మూఢభక్తులు సాధారణ జనం.కానీ వారి న్యూస్ ప్రజంటేషన్ లోని వ్యత్యాసాన్ని కాస్త నిశితంగా చదివితే తప్ప అర్ధం చెసుకోలేము.ప్రయత్నించండి మీరూ...

మరోసారి ఈనాడు పై సాక్షి,టీవీ స్టుడియోలో చావబోయిన రౌడీ

2008-05-22T22:43:00.001-07:00

http://sakshi.com/main/WeeklyDetails.aspx?Newsid=3964&categoryid=1&subcatid=18

http://andhrajyothy.com/mainshow.asp?qry=/2008/may/22state20

కళ్ళు చెదిరే అందాలు

2008-05-21T09:56:00.000-07:00

ఎక్కడివో తెలియదు ఎవరో ఒక ప్రకృతిప్రేమికుడు పంపారు.ఈస్థలాలు అసలు భూమ్మీదవేనా అని నాకొక అనుమానం.మీకేమన్నా తెలిస్తే చెప్పండి.అసలు రూపం కోసం ఆయా చిత్తరువుల మీద క్లిక్ చెయ్యండి

ఆర్.ఎస్.ఎస్ వర్సెస్ ఐ.ఏ.యస్

2008-05-18T00:22:00.000-07:00

మొన్న మనరాష్త్ర మంత్రి మారెప్ప ఏదో అన్నారని తెగ ఇదైపోయి,చాలా ఫీలయిపోయిన అయ్యేయస్ అధికారులు ఈ క్రింది వార్తకు ఎలా స్పందిస్తారో చూడాలని ఉంది.
http://andhrabhoomi.net/shead6.html

తెలుగు టీవీ ’ఛా’నళ్లపై ఒక మంచి కధనం

2008-05-15T21:34:00.000-07:00

ఏమి జరిగిందో ఏమిటో తెలియదుగానీ ఇవ్వాళ(5/16/2008)ఆంధ్రజ్యోతి దినపత్రిక మొదటి పేజీలో తెలుగు టీవీ ’ఛా’నళ్లపై ఒక మంచి కధనం ప్రచురించింది.కొందరు టీవీబాధితుల,నిపుణుల వాదనలు కూడా ఇచ్చింది.మన బ్లాగరులు కూడా యధాశక్తి తెలుగుటీవీచానళ్ళు మెరుగైన కార్యక్రమాలు ఎలా రూపిందించాలి అని తరచూ రాస్తున్నా అది ఆశించిన ఫలితాలనివ్వలేకపోతుంది.వీలయినంత త్వరలో అన్ని టీవీచానళ్ళ వారి ఇ-మెయిల్ అడ్రసులు ఇక్కడ ప్రచురిద్దాం.మన సూచనలు,సలహాలు,నిర్మాణాత్మకంగా వివరిద్దాం.

బ్లాగరులకు ఒక మంచి అవకాశం

2008-05-14T21:03:00.000-07:00

బ్లాగరులారా అనాధ పిల్లల దత్తతపై మీరేమంటారు?కేంద్రప్రభుత్వానికి మీ భావాలు,అభిప్రాయాలు,సూచనలు,విమర్సలు తెలిపేందుకో మంచి అవకాశం.

నీళ్ళతో పాటూ జబ్బులూ కొనుక్కోవాలా మనం?

2008-05-12T23:07:00.000-07:00

ఏమిటీ దురవస్థ?ఎన్నాళ్ళీ దౌర్భాగ్యం?చర్చించండి

మే 13,2008 వార్త దినపత్రిక నుండి

బ్లాగరులకు ఒక ప్రవర్తనా నియమావళి ఉండాలా?

2008-05-08T11:37:00.000-07:00

ఉండాలేమో అనిపిస్తుంది ఈ మధ్య కొంతకాలంగా.కానీ ఇది ప్రవర్తనా నియమావళి తప్ప ఆంక్షలు,అడ్డుగోలు నిబంధనలు మాత్రం కాదు.ఇటీవల ఈనాడు,సాక్షి,ఆంధ్రజ్యోతి దినపత్రికల్లో తెలుగుబ్లాగులు గురించి వచ్చిన వార్తలు,వ్యాసాల వల్ల తెలుగున బ్లాగరులు ఇబ్బడిముబ్బడిగా పెరిగారు.వారిలో చాలా మంది చక్కగా భావప్రకటన చేస్తున్నారు కూడా.కానీ కొందరిలో విశృంఖలత్వం కనిపిస్తుందని విమర్శలు వస్తున్నాయి.
ఈ సందర్భంగా పదుగురు మెచ్చిన,సీనియరు బ్లాగరు సుధాకర్ గారు పొద్దు అంతర్జాల మాసపత్రిక లో 2007 మే నెల సంచికలో ఒక చక్కటి ఆంగ్లవ్యాసాన్ని అనువదించి మనకు అందించారు.ఆ వ్యాసాన్ని అప్పుడు చదివిన వారికోసం,ఇప్పుడు చదవని వారికోసం మరలా ప్రచురిస్తున్నాను.
పునర్ముద్రణకు అనుమతిచ్చిన పొద్దు సంపాదకులకు,సుధాకర్ గారికీ నా హృదయపూర్వక ధన్యవాదాలు.
ఈ వ్యాసాన్ని ఆనాడు వచ్చిన కామెంట్లతో సహా ప్రచురిస్తున్నాను గమనించగలరు.
బ్లాగరుల ప్రవర్తనా నియమావళి

Sudhakarసుధాకర్ రాసే తెలుగు బ్లాగు శోధన 2006లో ఇండిబ్లాగర్స్ నిర్వహించిన పోటీల్లో, 2005లో భాషా ఇండియా వారు నిర్వహించిన పోటీల్లో అత్యుత్తమ తెలుగు బ్లాగుగా ఎంపికైంది. ఆయనదే మరో బ్లాగు Savvybytes ఆంగ్లంలో అత్యధికులు చదివే బ్లాగు. వీటిలో శోధనలో ఆయన ఆలోచనల్లోని పదును తెలుస్తుంది. Savvybytes సాంకేతికోపకరణాలు, సాంకేతికాంశాలకు సంబంధించినది. coolclicks ఆయన ఫోటో బ్లాగు. ఇవికాక ఆయన తక్కువ తరచుగా రాసే బ్లాగులు ఇంకో రెండున్నాయి. పొద్దులో సుధాకర్ నిర్వహిస్తున్న శీర్షిక వివిధ.

————————

బ్లాగు అన్నదే సొంత భావాలను ఆలవోకగా, ఇష్టం వచ్చిన శైలిలో రాసుకుపోయేది. మరి అలాంటి పదార్ధానికి ఈ ప్రవర్తనా నియమావళి ఏమిటో అని ఎవరైనా అనుకోవచ్చు. కానీ మనం ఒక్క సారి బ్లాగును అందరికి చదవటానికి వీలుగా అందుబాటులో (public blog) వుంచామంటే, ఒక్క సారిగా మనపై కొన్ని బరువు బాధ్యతలు పడతాయి. అవే మన ప్రవర్తన, సంయమనం మొదలయినవి. మన బ్లాగులో రాసే విషయాన్ని అభిమానించే వారు, చదివి నొచ్చుకునే వారు, శభాష్ అనే వారు మొదలుకుని, బూతులు తిట్టే వారు కూడా మన బ్లాగావరణంలో వుంటారని మనకు పదే పదే గుర్తుచేసేదే ఈ బ్లాగరుల ప్రవర్తనా నియమావళి.

దీనిని మొదట రాసినది Tim O’Reilly.(ఇతడు web 2.0 అనే పదాన్ని మొదట వాడిన ఖ్యాతి మూటగట్టుకున్నవాడు కూడా). దీనిని ప్రస్తుతం Draft దశలో వుంచారు. ప్రస్తుత బ్లాగుల ప్రపంచాన్ని పరిశోధిస్తూ, దానికి కొత్త విషయాలను జత చెయ్యటానికి నిర్ణయించారు. ఆ ప్రతి ప్రకారం ప్రతి బాధ్యతాయుతమైన బ్లాగరు ఈ క్రింది విధంగా తన బ్లాగును నిర్వహించాలి.

“మనము ఇప్పటి వరకు బ్లాగులను పరివిధాలుగా అస్వాదించాము, అభిమానించాం. ఎందుకంటే అవి నిక్కచ్చిగా , నిజాయతీగా వుండే విషయ సంవాదాన్ని మనకు అందిస్తాయి. కానీ నిజాయతీ ఎప్పుడూ అనాగరికతకు మరో అర్ధంగా నిలవదు. నిలవకూడదు. మనము క్రింద పేర్కొన్న బ్లాగరుల ప్రవర్తనా నియమావళిని ఒక మంచి భావ వ్యక్తీకరణకు, మంచి సంస్కృతికి దోహదపడే విధంగా తయారు చేద్దాం. తద్వారా ఆరోగ్యకరమైన బ్లాగు సంవాదాలను ప్రోత్సహిద్దాం .

# మనం వాడిన భాషకు, పదాలకు మరియు మనం అనుమతించిన వ్యాఖ్యలకు మనదే పూర్తి భాధ్యత. మనం నాగరికతతో కూడన విషయాన్ని ప్రోత్సహించుతాం . అనాగరిక విషయాలు మన బ్లాగులో చోటు చేసుకుంటే, వ్యాఖ్యలలో వుంటే వాటిని తీసి వెయ్యటం మన భాధ్యత . అనాగరిక విషయాలను క్రింది విధంగా వర్గీకరించవచ్చు.

1. తిట్టటం , వుద్దేశ్యపూర్వకంగా కించపరచడం, అజ్ఞాతంగా కించపరచటం, బెదిరించడం వంటివి .
2. అబద్దాలు , తప్పుడు సమాచారం ఇవ్వటం, వుద్దేశపూర్వకంగా సమాచారాన్ని మార్చి రాయటం , ఇంకొక వ్యక్తిని తప్పుగా చిత్రించటం
3. కాపీ హక్కులు , వ్యాపార హక్కులను ఉల్లంఘించటం
4. రహస్యంగా వుంచవలసిన దానిని బట్టబయలు చెయ్యటం
5. ఇతరుల వ్యక్తిగత జీవితాలతో ఆడుకోవటం, వారి వ్యక్తిగత విషయాలపై రాయటం

పైన పేర్కొన్న అనాగరిక విషయాలను సమయం, సందర్భం బట్టి విచక్షణ వుపయోగించి గుర్తించవలసి వుంటుంది . అలానే అవి పైన పేర్కొన్న విషయాలకు మాత్రమే పరిమితి కావు. మనం ఏదైనా విషయాన్ని, వ్యాఖ్యను తొలగించే ముందర దానిని ఎందుకు తొలగించవలసి వచ్చిందో చెప్తాము.

# మనం వ్యక్తిగతంగా ఎవరితోనైనా దేనిని చర్చించమో, ఎలాంటి అభిప్రాయం వెల్లడించమో , అది మనం మన బ్లాగులో కూడా వెల్లడించం, చర్చించము .
# పది మందిలో వ్యక్తీకరించేటప్పుడు వ్యక్తిగతంగా చర్చించుతాం

1. బ్లాగావరణంలో తోటి బ్లాగరులతో కానీ, ఇంకొకరితో గానీ సమస్యలు, అభిప్రాయబేధాలు వచ్చినపుడు దానిపైన ప్రతిస్పందించే ముందర వారితో వ్యక్తిగతంగా మాట్లాడటమో, వ్యక్తిగత సంవాదమో చేస్తాము.

# ఒకరు మన తోటి బ్లాగరుపై అనాగరికంగా, అసమంజసంగా దాడి చేస్తున్నట్లు అనిపిస్తే చర్య తీసుకుంటాము .

ఎవరైనా అభ్యంతరకరమైన వ్యాఖ్యలు కానీ, అభ్యంతరకరమైన, అనాగరికమైన బ్లాగులు రాస్తూ వుంటే, ఆ బ్లాగరుతో వ్యక్తిగతంగా గానీ, పాఠకముఖంగా గానీ వాటిని మార్చమని విన్నపం చేస్తాము. అలా కాక వ్యాఖ్యలు ఒక బెదిరింపు క్రింద మారి, ఆ బ్లాగరు అస్సలు ఖాతరు చెయ్యకుండా, లేదా బ్లాగు ముఖంగా క్షమాపణ చెప్పకపోతే తరువాత జరిగే న్యాయపరమైన చర్యలకు అందరూ సహకరిస్తాము.

# అనామక వ్యాఖ్యలను అనుమతించం

వ్యాఖ్యలను చేసేవారు తప్పని సరిగా తమ ఈ-మెయిల్ చిరునామా, తమ అసలు పేరు గానీ, మారు పేరు గానీ వుపయోగించేలా చూసుకోవాలి.

# వ్యాఖ్యల దాడి చేసే వారిని మనం పట్టించుకోకూడదు.

వ్యాఖ్యల దాడిని పట్టించుకోకూడదు. అవి మరీ అభ్యంతరం, వ్యక్తిగతం అయితే తప్ప. వ్యాఖ్యల ద్వారా దాడి చేసే వారితో ప్రతి వ్యాఖ్యానం మొదలు పెట్టడం పందితో మల్లయుద్ధం చెయ్యటమే అవుతుంది. ఆ యుద్ధంలో ఇద్దరికీ బురద అంటుకుంటుంది. పందికి బురద ఇష్టం, మీకు అయిష్టం. అది గుర్తుపెట్టుకోండి.

అంతేకాక ఏ విషయాన్ని అయినా అహ్వానించే బ్లాగర్లకు “ఏ విషయం అయినా” అనే ఒక బ్యాడ్జి వుండాలని నిర్ణయింపబడింది. ఇది వ్యాఖ్యలు చేసే వారికి వారు ఒక ఎల్లలు లేని ప్రదేశంలో అడుగుపెడుతున్నారని సూచిస్తుంది. అదే కాక ఈ బ్యాడ్జితో పాటు దిగువ చూపిన విధంగా సందేశం వుండాలి.

“ఇది ఒక స్వేచ్చాపూరితమైన, అనియంత్ర్రిత చర్చా వేదిక. ఈ వేదికపై చర్చలకూ , పాఠకులు చేసే వ్యాఖ్యలకూ నేను బాధ్యత వహించనని తెలియచేస్తున్నాను. ఇక్కడ విషయ సంవాదాలు వేడెక్కినప్పుడు కొన్ని అభ్యంతరకరమైన వ్యాఖ్యలు, అవమానకర సందేశాలు కనిపించవచ్చు. మీ సొంత పూచీమీద ఈ బ్లాగ్వేదికను సందర్శించండి”

వ్యాఖ్యలపై సంపూర్ణ నియమావళిని ఇక్కడ చదవ వచ్చు : http://civilities.net/CommResp-Proposal

ఈ వ్యాసానికి మాతృక : http://radar.oreilly.com/archives/2007/04/draft_bloggers_1.html

“బ్లాగరుల ప్రవర్తనా నియమావళి” కి 18 వ్యాఖ్యలున్నాయి

1.
1
radhika ఇలా అన్నారు:

మంచి ఇన్ ఫర్మేషన్ ఇచ్చారు.
May 16, 2007 - pm 9:09
2.
2
రానారె ఇలా అన్నారు:

ఇంట్లోకి చొరబడిన దొంగను ఆ ఇంటి మొగుడు గాఠ్ఠిగా పట్టేస్కుని “తాడు తేవే, వీణ్ణి కట్టేద్దాం” అని పెళ్లాన్ని పురమాయిస్తే, “జాగ్రత్తగా పట్టుకోండి వాడు మీ చెయ్యి కొరికి పారిపోతాడేమో” అని ఆ అమాయకురాలు - బిక్కచచ్చిపోయి ఉన్న ఆ దొంగకు మాంచి ఉపాయం చెప్పేసిందట. ఈ వ్యాసంలో సుధాకరు ఏం చెయ్యకూడదని మొదటి పాయింటు రాశారో అవే జరిగాయి ఈ మధ్య. వాగ్యుద్ధాలు సంయమనం కోల్పోయి అవాంఛిత బ్లాగ్యుద్ధాలయ్యాయి.
May 23, 2007 - am 5:55
3.
3
ప్రసాద్ ఇలా అన్నారు:

నన్ను బాధించిన విషయమ్మీద స్పందించకుండా నిగ్రహించడం నాచేత కాలేదు. ప్చ్! నా బలహీనత!

–ప్రసాద్
http://blog.charasala.com
May 23, 2007 - pm 7:05
4.
4
సుధాకర్(శోధన) ఇలా అన్నారు:

ఆ టపాలో వ్యాఖ్యలు చదువుకుంటూ పోతే నా టపా నాకే గుర్తుకొచ్చింది. :-) అందుకని వ్యాఖ్యానించటమే ఆపేసా. నేను కూడా సమిధనొక్కటి అనే ది ఇక్కడ పనికిరాదని అర్ధం అయ్యింది. మనసులో వున్న మాట మాట్లాడటమే అనాగరికంలా మాట్లాడుతున్నారు ఇప్పుడు. ఎవరి భావం వారిది అనే గౌరవమే లేదు. నాదీ మీ మతమే. స్త్రీ అంటే నాకు తోటి మనిషి. నాలాంటి మనిషే. ఆ మనుష్యులలో నేను అత్యంత ప్రేమను పంచేది నా తల్లికి, చెల్లికి మాత్రమే. తరువాతే ఎవరైనా…
May 24, 2007 - am 12:09
5.
5
lalitha ఇలా అన్నారు:

I think MR.Ambanath respected my request to moderate the offensive comment. For, it is not there now. I posted a comment requesting him to moderate the offensive comment.

Mr. Ambanath, it would help, and I think moderation is complete, only if an explanation is added. It is confusing to find comments appear and then disappear without explanation.

I felt the need to use this platform for voicing my objection, as it was getting overheated on the original post, and also as I began losing credibility for the above reason(comments appearing and then disappearing).
May 24, 2007 - pm 11:13
6.
6
సుధాకర్(శోధన) ఇలా అన్నారు:

మీ సమస్యను గూర్చి కూడా ఈ వ్యాసం చెప్తుంది. మన బ్లాగుపై బాధ్యత వుంటే అనామక వ్యాఖ్యలను కత్తిరించెయ్యాలి. ఆ రకంగా మిగిలిన వ్యాఖ్యాతలను రక్షించవచ్చు. నేను బ్లాగు మొదలు పెట్టిన రెండున్నరేళ్ల సంవత్సరాల తరువాత వ్యాఖ్యానాల స్థాయి పడిపోకుండా వుండేందుకు మోడరేషన్ పెట్టుకోవాల్సివచ్చింది. తద్వారా నేను నా బ్లాగులో వున్న ప్రతీ పదానికి బాధ్యత వహించగలను.
May 25, 2007 - am 8:43
7.
7
lalitha ఇలా అన్నారు:

అది నిజమే.

ఇక్కడ నేను పేరు చెప్పి ఇచ్చిన నా వ్యాఖ్య(ముందు వ్యాఖ్య మీద నా అభ్యంతరం) ప్రచురించ లేదు. ప్రచురించి వెనకకు తీసుకున్న వ్యాఖ్య విషయంలో కారణం చెప్ప లేదు.
May 25, 2007 - pm 12:38
8.
8
సుధాకర్(శోధన) ఇలా అన్నారు:

Lalitha gaaru,

As per your request that other blogger removed anonymous comment which was made on you from his blog. But you have preserved that objectionable comment here on Poddu (which is totally not related to your conversation with that blogger) forever. please do not practice viral publication of objectionable content(even if it was targeted on you).
May 26, 2007 - am 12:30
9.
9
lalitha ఇలా అన్నారు:

Request to Poddu,

please remove my comments (4 and 6). They are about a different blog. You could retain or use my present comment to explain why those comments have been removed.

Thanks.
lalitha.
May 26, 2007 - am 1:16
10.
10
lalitha ఇలా అన్నారు:

To poddu moderators:
I think I should thank you for allowing my above comments here in the first place.
I was at a loss about how to clear some of my doubts. Since you allowed the comments in question, I got a platform to voice my concerns. If you can remove the offensive comments and somehow still maintain the context of other comments, it will be a great help.
This is the first time something like this happened. I hope everyone involved understands this. Some lessons cann’t be learned without making some mistakes.

Ranare garu,
in case I have any doubts to clear up with a blogger, if I have access to e-mail, I will use it.

Sudhakar garu, please assert if that is allright.

Sudhakar garu,
It helps that you pointed out the concern in your comment (12). However, I find the usage of word viral publication objectionable. But again, I am realising that I am finding some things objectionable while they seem perfectly reasonable to some others. If this is one such case, please just note the way the word sounded to me is different.
I don’t think I have been deliberately offensive or abusive of the commenting facility anywhere so far. So, you can expect that “viral publication” has not been and will not be my practice.

To all bloggers,
I might not be able to undo whatever effect my involvement on Mr.Ambanath’s post has had on you all individuals. I can only apologise.

Sudhakar garu,
as someone with some authority on blog ethics, please advise.

Regards,
lalitha.
May 26, 2007 - am 6:18
11.
11
Sudhakar ఇలా అన్నారు:

Lalitha garu, I don’t think you need to ask for apologies to anyone for your acts since there is nothing wrong with it. I was just suggesting a better way to deal things with heated up discussions with in bloggers. As you mentioned, poddu editors can delete your comment (as you mentioned) and still can manage a meaningful discussion on the issue that has caused.

I used viral publication in general of blog ethics and do not take it seriously :-) According to blog sense, discussing and posting other blog comments and posts in different forums which are not related to the issue comes under viral publication, hence I used it. My sincere apologies if it sounded harsh to you. But I did not meant that much harsh at all. Keep up your spirit of blogging.
May 27, 2007 - am 4:00
12.
12
lalitha ఇలా అన్నారు:

Another mistake. Mr. Sudhakar’s comment 11.
What did I get myself into!
May 27, 2007 - am 4:26
13.
13
Sudhakar ఇలా అన్నారు:

I didn’t get your point, Did my comment giving you any other meanings? Could you please elaborate it? I am confused with your comment now.
May 27, 2007 - am 8:30
14.
14
Sudhakar ఇలా అన్నారు:

And I am not interested to start another discussion or blogging thread on my comments on your comments here or anywhere. please excuse me if you did not liked my comment nor understand it. I might have failed in expressing my support to you in my earlier comment. Let’s wrap this up here.
May 27, 2007 - am 8:37
15.
15
lalitha ఇలా అన్నారు:

Sudhakar garu, Thanks for everything.

I simply corrected the number I referred, kind of like spelling mistake.

When I wrote that comment, your explanation was not even there. I do not know how the order got mixed up.
May 27, 2007 - pm 1:13
16.
16
ranganadh ఇలా అన్నారు:

mee niyamavali chaala baagundi.naaku ela register avvalo dayachesi cheppandi
June 10, 2007 - pm 3:39
17.
17
ranganadh ఇలా అన్నారు:

nenu ‘poddu’ blog gurinchi sunday eenadu paperlo chadivaanu. chaala wonderga anipinchindi.telugu vaariki ee seva chestunnanduku dhanyavaadamulu.
June 10, 2007 - pm 3:43
18.
18
వెంకట రమణ ఇలా అన్నారు:

రంగనాధ్ గారు,

మీరుకూడా blogger.com లో గాని wordpress.com లోగాని ఒక బ్లాగు మొదలు పెట్టండి. తరువాత దాన్ని http://groups.google.com/group/telugublog లో అందరికీ మెయిలు చెయ్యండి. ఇంత కంటే మరే రిజిస్ట్రేషన్లు అవసరం లేదు.

మీకు కంప్యూటరులో తెలుగు గురించి మరేవిధమయిన సమాచారం కావాలన్నా http://groups.google.com/group/telugublog లో అడగండి.
June 10, 2007 - pm 11:23

http://poddu.net/?p=192

మేధావి..ప్రేమ..పిచ్చి..

2008-04-15T12:47:00.000-07:00

సాక్షి దినపత్రిక విశాఖపట్నం ఎడిషన్ నుండి ..

నిందితులు ఎవరు??

2008-03-24T01:41:00.000-07:00

మిలాదునబి,శుభశుక్రవారం(good Friday)హోలీ,రఘువరన్,శోభన్ బాబుల ఆకస్మిక మరణాలు,సాక్షి పత్రికావిష్కరణ,ఇలా ఎన్నెన్నో పర్వదినాలూ,దుర్దినాలమధ్య కూడా నామనసుని కలచివేస్తున్న సంఘటనను మీ అందరితో పంచుకుని మీ భావాలు తెలుసుకుందామని ఓ చిన్నప్రయత్నం.

లక్ష్మీ,రాంబాబు(అసలు పేర్లు కావు)ఇద్దరూ కూలీనాలీ చేసుకుని బ్రతికే కుటుంబాల వారు.విశాఖపట్నంలొ ఉన్న లక్షలాది మంది లాగానే బతుకు తెరువు కోసం ఎక్కడినుండో వచ్చిన వాళ్ళు.ఇద్దరూ భవననిర్మాణకూలీలుగా పనిచేస్తూ,ప్రేమించుకున్నారు.లక్ష్మి ఈక్రమంలో గర్భవతి అయ్యింది.ఇద్దరి కులాలూ ఒకటే కావటంతో పెద్దలు కూడా అభ్యంతరం పెట్టక పెళ్ళికి ముహూర్తాలు పెట్టించారు.

పెళ్ళికూతురు లక్ష్మికి వేవిళ్ళు,వాంతులు,వంట్లో వికారం.పందిట్లో ఈ పిల్లెక్కడ వాంతి చేసుకుని,కడుపుతో ఉన్న పిల్లకు పెళ్ళా అంటారేమోనని భయపడ్డ పెద్దలు ఆ అమ్మాయిని ఒక నాటు వైద్యుడి దగ్గర తెచ్చిన మందులు వాడి,గర్భస్రావం అయ్యేలా ప్రయత్నించారు.ఒక వైపు పెళ్ళి ఏర్పాట్లు జరుగుతున్నాయి,మరో వైపు లక్ష్మికి రక్తస్రావం అవుతోంది.మనసులో ఆనందం,శారీరకంగా భరించలేని బాధతో ఆ చిన్నారితల్లి విలవిల్లాడింది.కళ్యాణం కక్కొచ్చినా ఆగదుగా..పెళ్ళిపీటల మీద పిల్లలిద్దరూ కూర్చున్నారు.పంతులుగారు మంత్రాలు చదువుతూనే ఉన్నాడు,శతమానం భవతీ అనబోతున్నాడు,ఈ లోపు పిలుపు రానే వచ్చింది,తిరిగి రాలేని చోటు నుంచి.పసుపు బట్టలతోనే,పెళ్ళిపీటలమీదే,భరించలేని ఆ నొప్పికి తట్టుకోలేని ఆ పిచ్చితల్లి ఒక నిస్సహాయ ఆర్తనాదం చేసి,కన్ను మూసింది.
ఇంతకూ లక్ష్మి వయసు 17సంవత్సరాలు కాగా,రాంబాబుకు 19.

పెద్దలారా చెప్పండి, ఇక్కడ తప్పెవరిది,ఆ అమాయకురాలు,పదిహేడేళ్ళకే ప్రేమలో పడి,గర్భవతయ్యి,
నాటు మందులకు ప్రాణాలు కోల్పోయిన ఈ ఉదంతంలో నిందితులు ఎవరు??గత బుధవారం విశాఖపట్నం లొ జరిగిన ఒక వాస్తవ సంఘటన ఇది.మీ తీర్పు చెప్పండి.

ఒక జ్యోతి, వేల వెలుగులు

2008-01-18T23:00:00.000-08:00

వాశి తో పాటు రాశి కూడా చాలా అవసరమైన సంధి దశలో తెలుగు బ్లాగులున్నాయి ఈ రోజు. తెలుగులో రాయలేకపోవటం అంటే టైపింగు, కంప్యూటరు, ఇంటర్నెట్ అందుబాటులో లేక పోవడమూ అనేవి పలురకాల కారణాలతో ముడిబడి ఉన్న అంశాలు. కొన్ని వ్యక్తిగత స్థాయిలోనివి కాగా మరికొన్ని ప్రభుత్వం చేయాల్సినవి. కానీ పైన పేర్కొన్న అంశాలేవీ మనలోని ఉత్సాహాన్ని, ఉరకలూ, పరుగుల మీద ముందుకురికే ఆలోచనలనూ, అభిప్రాయాలనూ అడ్డుకోలేవు. కేవలం రాసుకుంటూ పోయే దశ నుంచి ఈ నాటి తెలుగు బ్లాగర్లు స్వచ్చందంగా సాంకేతిక సహాయం అదీ తక్షణ సాయం సుదూరతీరాల్లో ఉన్న వారికి కూడా అందించి మాట లకందని సేవ చేస్తున్నారు. వేలు పెట్టి తెలుగు సాఫ్ట్ వేర్ కొని, కీబోర్డ్ లు మార్చుకుని, సగం వచ్చి సగం రాక ఇబ్బందులు ఎదుర్కొని మధ్యలో వదిలేసిన వారు, మళ్ళీ సులభంగా సజావుగా తెలుగు టైపింగు చేయగలుతున్నారూ అంటే మన బ్లాగర్ల సాయంతోనే. బ్లాగులు అంటే ఏమిటీ, తెలుగులో బ్లాగులు ఎలారాయాలీ అనే ప్రాధమిక అంశాలనుంచి టీంవ్యూయర్ అనే సాధనంతో ఎక్కడో ఉన్నవారి కంప్యూటర్ లోకి ప్రవేశించి విసుగువిరామంలేకుండా శ్రమించి సమస్యను పరిష్కరించేందుకు రాత్రి రెండు గంటలవరకూ కృషి చేస్తున్న వారిని, నిస్వార్ధంగా వారు అందిస్తున్న సహాయానికి ఎలా మూల్యంచెల్లించగలంఅని ఆలోచిస్తే , అసలు కృతజ్ఞత అనే మాటే ఎత్తొద్దనే నల్లమోతు శ్రీధర్, శ్రీనివాస కర, ప్రసాద్, ప్రవీణ్, ఇలా ఎందరో శ్రామికులు. వీరందరికీ సంధానకర్త జ్యోతి. జ్యోతి ప్రోత్శాహంతో బ్లాగర్లుగా మారి ఏకకాలం లో అటుబ్లాగులకు, ఇటు భాషకు, మరో వైపు సమాజసేవా కార్యక్రమాల్లో, సాంకేతిక తక్షణసహాయం లో చురుకుగా పనిచేస్తున్న వారిని చూస్తుంటే ఎంతో ముచ్చటేస్తుంది. తాజాగా జాగృతి పేరుతో వస్తున్న బ్లాగు కూడా కంప్యూటర్ ఎరా పాఠకుడిదే కావటం యాధృచ్చికం కాదు. గృహిణిగా తన బాధ్యతలను నిర్వహిస్తూనే, అయిదు బ్లాగులు రాస్తూ, ఇ తెలుగుకు సంబంధించి ఎన్నో గ్రూపుల్లో క్రియాశీలక పాత్రపోషిస్తూ,ఎందరినో ప్రోత్శహిస్తూ,తెలుగులో ఎలా రాయాలో నేర్పిస్తూ,ఇలా అస్టావధానం చేస్తున్న ఆమెను చూసి ఎందరో ఉత్తేజితులవుతున్నారంటే ఆశ్చర్యమేమీ లేదు.తనువెలు గుతూ,వేలాదిమం దికి,వెలుగులు అందిస్తుందని భావించారేమో ఆమెకు జ్యోతి అని నామకరణం చేశారు.
తాజాకలం:-తెలుగులో ఎలారాయాలో ఏ సాఫ్ట్ వేర్లు ఉపయోగించాలో తెలిసిన వారు రచన పత్రికకు తమతమ సూచనలు,సలహాలను పంపమని వారు డి సెంబరు సంచికలో కోరారు.కానీ అవి ఒక వ్యాసం గా కాక ఉత్తరాల రూపం లో ఉందాలని వారు స్పష్టం చేశారు.ఆసక్తి గలవారు ఈ ఇమెయిల్ కు రాయండి rachanapatrika@hotmail.com,rachanapatrika@gmail.com

ఎవరు బ్లాగులు రాయాలి, ఎవరు మానాలి

2008-01-06T06:32:00.000-08:00

నాబ్లాగుకు నేను ఆశించిన స్థాయిలో కాక పోయినా కనీస స్పందన రావట్లేదు. బ్లాగులోని టపాలను చదువుతున్నారని తెలుస్తున్నా వారి వ్యాఖ్యానాలు లేక కామెంట్లు వచ్చినప్పుడే కదా మనకు వారి అభిప్రాయాలు తెలిసేది?

చదవాలి అనిపించిన బ్లాగులు చదువుతాము, స్పందన ఆటపాను చదవగానే కలగాలి అంతే గానీ, తెచ్చిపెట్టుకునే వ్యాఖ్యలు ఎందుకు రాయాలి?

పైన రెండు వాక్యాలు ఒకరితో ఇంకొకరు చేసుకున్న సంవాదం లా కనిపిస్తూ ఉండొచ్చు, కానీ దురదృష్టవశాత్తూ కొందరు కొన్ని సార్లు వ్యక్తం చేస్తున్న అభిప్రాయాలు అవి. మనం అద్భుతంగా రాస్తాం, ఎంతో సహజంఅది, పాఠకులు వెంటనే స్పందించి కామెంట్లు రాయాలి కానీ రాయట్లేదు.

అలాగే మనంఏ కూడలికో, జల్లెడకో వెళ్ళి బ్లాగులు చూస్తాము, కామెంట్లు రాద్దామనే ఉదారమైన సదుద్దేశం కూడా ఉంది మనకు కానీ ఏబ్బే ఏది చూసినా హృదయం స్పందించటంలేదు, తెచ్చి పెట్టుకున్న వ్యాఖ్యలు రాస్తే ఏంబావుంటుంది?

అసలు ఎందుకు రాస్తాము ? ఇదో మౌలికమైన ప్రశ్న దానికి తేలిక సమాధానం బ్లాగు మనది కాబట్టి, అందరూ చూడాలనేగా అవును, చూస్తున్నారా? అవును, మరి ఇంకేమిటి కొరత ఇక్కడకు వచ్చేసరికి సమాధానాల కొరత ఎదురవుతోంది.

అయ్యలారా, అమ్మలారా నేను ఎంతో కష్టపడి ఒక బ్లాగు నడుపుతున్నాను, మంచి సమాచారం తో తరచూ కొన్ని అంశాల మీద రాస్తున్నాను, మీరు చదివి మీ అభిప్రాయాలు తెలియజేస్తే సంతోషిస్తాను అని చెప్పుకోవటానికీ, నేను బాగా రాస్తాను, కానీ మీరే ఏమీ స్పందించట్లేదు , నేను ఎందుకు కామెంట్లు రాయట్లేదు అంటే మంచి వ్యాసాలు చూసి తక్షణం మనకు కామెంటు రాయాలి అనిపించాలి, నేను మీ రచనలు చూసి అలా ఫీల్ కాలేకపోతున్నాను కాబట్టి రాయట్లేదు గానీ, వేరే ఉద్దెశం ఏమీ లేదు అంటే ఎలా ఉంటుందో కనీసం అ ఆ లు చదవగలిగిన వాళ్ళు అందరూ అర్ధం చేసుకోగలరు.

సమకాలీన సమాచార, ప్రసార సాధనాలు అన్నిటికీ ప్రత్యామ్నాయంగా ఎదుగుతున్న ఇంటర్నెట్ అనే మహావ్యవస్తలో అన్నిటికంటే, రెండంచుల కత్తి లాగా టూ వే కమ్యూనికేషన్‌ కు, పైగా తక్షణం అవతలి వారి మనోభావాలను తెలుసుకునే వీలున్న బ్లాగుల రచనను వేళాకోళంగా చూసే వారిని చూసి మనం జాలీ, సానుభూతి చూపటం తప్ప ఇంకేమన్నా చేయగలమా? నేను ఊక తెస్తాను, నువ్వు పప్పులు పట్టుకురా రెండూ కలిపి ఊదుకుని తిందామన్నారట ఎవరో వెనకటికి.

నా కామెంటు ఎంతో అమూల్యం, అంత సులభంగా అన్నిటికీ రాయను అని నేను అనుకుంటున్నట్లే, అందరూ అదే విధంగా భావిస్తారు అనే ఆలోచన నాకు వచ్చినప్పుడు ఇంకొకరిని కించపరిచే విధంగా ఎవరూ రాయరు. బ్లాగుల సంఖ్య పెరగటంవల్ల కామెంట్లు రాయలేక పోతున్నాము అనే వాదన కూడా అసమగ్రముగా ఉంది. 1997 లో మొదట ప్రాచుర్యం లోకి వచ్చిన నాటి నుంచి నేటి దాకా బ్లాగుల సంఖ్య వందల, వేలరెట్లు పెరిగింది, పెరుగుతూనే ఉంటుంది. సమాచార విస్ఫోటనం ఒకరు ఆపితే ఆగేది కాదు, ఆపలేరు కూడా. పోనీ ఎన్ని బ్లాగులుంటే బాగుంటుంది? అప్పుడైనా అన్ని బ్లాగులకూ కామెంట్లు వస్తాయా అనేది ఎవరైనా చెప్పగలరా? అలాగే ఎవరు బ్లాగులు రాయాలి, ఎవరు మానాలి అనే అంశం ఎవరు నిర్ణయిసారు. ఆనిర్ణయాన్ని ఎవరు శిరసావహిస్తారు? బ్లాగుల మీద ఒక నియంత్రణామండలి--కంట్రోలింగ్ బోర్డ్ ఉండాలని కోరుకుంటున్నారా?

రెండు మూడేళ్ళ క్రితంవరకూ అనామకంగా ఉన్న తెలుగుబ్లాగులు ఈరోజు ఎంత ప్రాముఖ్యం వహిస్తున్నాయో గ్రహించ లేని వారు ఆవిధంగా మాట్లాడితే మనం కొంత మేరకు అర్ధంచేసుకోవచ్చు. కానీ అన్నీ తెలిసినవారే వక్రభాష్యాలు చెప్తుంటే జీర్ణించుకోవటం కష్తమే కదా?!

ఒకవైపు ఎందరో సాంకేతిక నిపుణులు, ఔత్శాహికులు-వీవెన్‌, నల్లమోతు శ్రీధర్, శ్రీనివాస, శ్రీకర, రవివైజాసత్య, ఒరెమునా, చదువరి, ఇంకెందరో నిస్వార్ధంగా ఎంతో విలువైన తమ సమయాన్ని వెచ్చిస్తూ, బహుముఖ ప్రజ్ఞాశాలులైన కొత్తపాళీ, సత్య సాయి కొవ్వలి, రామనాధరెడ్డి వెంకట్, సౌమ్య, రాధిక, నిషిగంధ, తాడేపల్లి, నువ్వు శెట్టి బ్రదర్స్, ఇలా ఎందరో తమతమ రచనలతో, రాకేశ్వర, పరుచూరి శ్రీనివాస్ లాంటి వారు తమ విలువైన వ్యాఖ్యానాలతో, అందరినీ సమన్వయం చేస్తూ దీప్తిధార రావుగారు,జ్యోతి గారు ఇలా ఎందరో రైలు పట్టాల లాగా ఎంతో బాధ్యతగా సంతోషంగా తెలుగు బ్లాగుల బండిని ముందుకు నడిపిస్తున్నారు.

తెలుగువాడిని,గారపాటి ప్రవీణ్ లాంటి వారు బ్లాగుల కు మరికొన్ని హంగులు,ఆదాయం కామెంట్లు పెరగటం ఇలాంటి విషయాల మీద ఎన్నొ ఆలోచనలతో ముందుకు వస్తున్నారు.ఎవరి ఆత్మానందం కోసం వారు రాసుకోవచ్చు,తప్పులేదు,కానీ ఎవరో అసంతృప్తి ని దృష్టిలో ఉంచుకోని బ్లాగులు ఆగవు.ఇది నిజం,బ్లాగులదే భవిష్యత్.

సొంత పేరుతో రాయాలా ?

2007-12-26T08:08:00.000-08:00

వివిధ బ్లాగులపైన మన అభిప్రాయాలను రాయడం మన
సొంత పేరుతో రాయాలా లేదా ఏ మారు
పేరుతోనైనా
రాయవచ్చునా?
నిజానికి మారు పేరుతో రచనలు చేయడం, సొంత పేరుతో రచనలు
చేయడం ఒకప్పుడు పెద్ద చర్చనీయాంశం. మరి ఉత్తరాలు రాసేవారి సంగతి? విషయం
ముఖ్యమా? వ్యక్తి ముఖ్యమా? కొ.కు, రావిశాస్త్రి తదితరులు మారుపేర్లతో రచనలు
చేసిన సంగతి తెలిసిందే. వివేకనందుడు దేశమంతా నాలుగైదు సార్లు రకరకాల పేర్లతో
తిరిగేవారు. చికాగో వెళ్లేముందర క్షేత్రి మహరాజు వివేకానంద పేరు ఖాయం చేసిన
సంగతి మీ అందరికీ తెలిసిందే. చెప్పండి. పేరు ముఖ్యమా? బ్లాగులకు ఏదో విధంగా
స్పందించడం అనే అలవాటు పెంపొందిచడం ముఖ్యమా?
- దుప్పల రవికుమార్

http://sameekshaclub.wordpress.com

అందరికీ క్రిస్మస్ శుభాకాంక్షలు

2007-12-24T02:37:00.000-08:00

అందరికీ క్రిస్మస్ శుభాకాంక్షలు

బ్లాగుల బాగోగులు.....5

2007-12-23T11:05:00.000-08:00

ఆంగ్ల వెబ్ సైట్లు ఆహ్వానించిందే తడవుగా పోలో మని చాలా మంది బ్లాగర్లు తమ బ్లాగులను వారికి అనుబంధించటంతో వెబ్ సైట్లకు బహుళప్రయోజన కారణమయ్యింది.అదే సమయంలో విడేశీ బ్లాగర్లు తమతడాఖా ఏమిటో అక్కడి వ్యవస్థకు రుచి చూయించి సిటిజెన్ జర్నలిజం అనే పదాన్ని ప్రాచుర్యంలోకి తీసుకొచ్చి,పత్రికలు,కొంతమేరకు ఎలక్ట్రానిక్ మీడియా వినియోగదారుల అబిరుచులకు అనుగుణంగా కనీసం వందో వంతైనా తమ అజెండాలను మార్చే వీలు కల్పించారు.ఇక్కడ మనదేశంలో ఫలానా బ్లాగు ఫలానా పోర్టల్లో ఉంటుందీ అనే అభిప్రాయానికి ఆంగ్లపాఠకులు వచ్చేసారు.అంటే నా ఉద్దేశ్యం ఇంగ్లీషు బ్లాగు ఆగ్రిగేటర్ల పాత్ర చాలా పరిమితమయ్యిందని.కొన్ని పోర్టల్స్ లో బ్లాగుల పక్కన వస్తున్న ప్రకటనల మీది ఆదాయంకూడా ఆటోమాటిగ్గా వాళ్ళకే చెందుతోంది.బ్లాగుల మీద ప్రకటనల ద్వారా వచ్చే ఆదాయాన్ని పంచుకోవటంలో వివిధదేశాల్లో వివిధపద్ధతులు అమల్లో ఉన్నాయి.ఇప్పటివరకూ నాకు తెలిసి బ్లాగర్లకు డబ్బులిస్తున్న వెబ్ సైట్ ఒక్కటీ
లేదు
,కానీ వాళ్ళు అడిగి మరీ రాయించుకుంటున్న గెస్ట్ కాలమిస్టుల జాబితాలు చూస్తుంటే ఉచితంగా రాసే మహానుభావుడు ఒక్కడూలేడు.

బ్లాగుల బాగోగులు.....4

2007-12-22T01:38:00.000-08:00

మహాశయులారా నిన్న మీకు మనవి చేసినట్లు గత అర్ధరాత్రి పన్నెండు గంటలకు నా ఆంగ్లబ్లాగులకు అంత్యక్రియలు జరిపించాను ఒంటరిగా
.ఇక అసలు విషయానికి వస్తే,ఎందరో ప్రతిభావంతులయిన ఆంగ్లరచయితలూ,అధ్యాపకులు,విమర్శకులూ,మరి ముఖ్యంగా లక్షలాది విద్యార్ధులు ఉన్న మనదేశంలో బ్లాగింగు అనేది ఎందరికో ఒక అయాచితవరంలా దొరికింది. ఆంగ్లదినపత్రికలు,సాహిత్యపత్రికలూ,తమ రచనలను ప్రచురించవూ అని , గ్రహించిన సృజన శీలులంతా తమకు దొరికిన బ్లాగు మహాసౌధాన్ని తమరచనలతో సంవృద్ధి చేస్తూ,అలంకరిస్తూ,ఎన్నో దేశాలవారికన్నా, ఎంచక్కని ఇంగ్లీషులో రాస్తూ

భారతాంగ్లకేతనాన్ని, విశ్వవీధుల్లో సగర్వంగా ఎగురవేస్తున్నారు.అంతవరకూ బాగానే ఉంది కధ.ఐతేబ్లాగుల ప్రాముఖ్యం ఒకవేపు,బ్లాగుల్లో నాణ్యత పెరగటం మరోవేపు,బాగున్న వాటిల్లోనుంచి ఎత్తిపోతల పధకం కింద మనం ముద్ర గుద్దేసుకుంటే ఎవడు అడుగుతాడూ అనే తెగింపుతో కొన్ని పత్రికలూ,మరికొన్ని వెబ్ పోర్టల్సూ నిస్సిగ్గుగా,నిర్లజ్జగా,బ్లాగర్ల రచనలను తమస్వంత కంటెంటుగా ప్రచురించుకోవటం ప్రారంభించాయి.పాపం కొన్నాళ్ళు వాటి ఆటలు బాగానే సాగాయి.ఎంతగుట్టుగా చేసినా కొన్నిపనులు దాగవు.అలాగే దొంగపనులు అసలు దాగవు కదా.ఈ ఘనతవహించిన వెబ్ సైట్లు చేస్తున్న బాగోతం బయటపడటం,బ్లాగర్లందరూ ఒత్తిడి తీసుకు రావటంతో తప్పైపోయింది అనే అర్ధం వచ్చేలా వారు ఏదో ఒకమూల చిన్న సవరణలాంటిది ప్రకటించటం కూడా జరిగిపోయాయి.
దానితో మనవాళ్ళు మెయిన్ స్ట్రీం మీడియా కోరలు పీకాము,కొమ్ములు ఒంచాము అంటూ దంభాలు కొట్టుకోవటం ప్రారంభించారు.కాకపోతే ఈ హడావుడిలో మనవాళ్ళు కొన్ని ముఖ్యమైన అంశాలను కావాలనే విస్మరిస్తున్నరేమో అనే అనుమానం నాకు కలుగుతోంది.

బ్లాగుల బాగోగులు .....3

2007-12-21T09:59:00.000-08:00

ఇంగ్లీషు బ్లాగుల సంగతంటే భారతీయుల ఆంగ్లబ్లాగులు అన్నమాట.బ్లాగు అన్నప్రక్రియ ప్రారంభం అయిన కొత్తల్లోనే మనవాళ్ళు ఆ కళను ఔపోసన పట్టి తమదైన శైలితో విజృంభణ ఆరంభించారు.ఈరోజు ఇతమిద్ధంగా ఇంతమందీ అని ఖచ్చితంగా చెప్పలేము గానీ ఆంగ్ల బ్లాగర్ల సంఖ్య వేలను దాటి లక్షల్లోకి చేరుతోంది.ఇన్స్టా బ్లాగ్ మొదటి బ్లాగు నెట్ వర్క్ కాగా కాలక్రమంలో చాలా వచ్చాయి.ఇంగ్లీషు బ్లాగర్లకు సౌలభ్యాలు ఎన్ని ఉన్నాయో,ఇబ్బందులూ అన్ని ఉన్నాయి.ప్రపంచంలోని ఏ అంశం మీదయినా రాస్తే చదివే పాఠకులు ఉండటం ఒక వరమైతే కోట్లాది ఇంగ్లీషు బ్లాగులున్న సమయంలో ఎన్ని లేబుల్స్,ట్యాగ్స్,ఎన్ని ప్రయత్నాలు చేసినా పాఠకుల ముందుకు తీసుకు వెళ్ళటం అనేది వారికో విషమపరీక్ష అవుతోంది ప్రతీ సారి.నాస్వీయానుభవం లోనే...నేను చాలా కాలం రెండు ఆంగ్లబ్లాగులను నిర్వహించాను.విశాఖపట్నం గురించి చాలా తాజా సమచారం ఎప్పటికప్పుడు మిగిలిన వెబ్ సైట్లు,పత్రికలకన్నా ముందే ఇచ్చే వాడిని.ఫొటోలు,వీలున్నప్పుడు వీడియోలు ఇలా అన్నీ చేశాను.ఎన్ని చేసినా అది సముద్రంలో కాకి....ఈక అయ్యింది తప్ప ఏమాత్రం ఫలితం లేక పోయింది.అందుకే వాటికి అంత్యక్రియలు చేయబోతున్నాను. అంటే డిలిట్ ది బ్లాగ్స్.

బ్లాగుల బాగోగులు....2

2007-12-20T22:49:00.000-08:00

ప్రతి రోజూ చర్చావేదికలో ఒక చర్చనీయాంశం ఉండాలని మొదట భావించాను.దానికి తగ్గట్లే పెద్దలు సిబిరావు గారు ప్రతిపాదించిన అంశం మీదే ఇంకా చర్చ జరుగుతోంది.మిగిలిన మిత్రులు ఇంకా ఏమీ ప్రతిపాదనలు పంపలేదు.బ్లాగులపఠనీయతను పెంచటం,మరింతమంది పాఠకులను ,పేరెన్నిక గన్న వారిని బ్లాగర్లుగా కూడా మార్చటం అనేవి ప్రాధాన్యతాంశాలే అయినా
ప్రస్తుతం ఉన్న చదువరుల చేత వారి స్పందనను రాబట్టటంలో వస్తున్న నిర్లిప్త ధోరణి పట్ల కలవరపడుతున్నామని దాదాపు అందరూ అంటున్నారు.తెలుగులో బ్లాగుల సంఖ్య పెరగటం వల్ల చదవటం ఎక్కువయి,రాసేది తగ్గుతోందని మరి కొందరు అంటున్నారు.బ్లాగుల సంఖ్య పెరగటం ఆహ్వానించదగ్గ పరిణామమే.అలాగే ఒక్కో బ్లాగరు 9,10 బ్లాగులను నిర్వహించటం కూడా మనం చూస్తున్నాము.

ముందు ఒక విభాగానికి తమ రచనలను పరిమితం చేసుకుని తర్వాత మిగిలినవి ఎవరో రాస్తున్నారు,మనం రాయలేకపోతున్నామని అలోచిస్తూ కూడా ఇంకో బ్లాగు మొదలెట్టకుండా సర్దుకుపోతున్నవారూ ఉన్నారు.సృజనాత్మకతతో మిళితమైఉన్న ఏ రంగంలోని వారికయినా పాఠకుల/ప్రేక్షకుల/శ్రోతల స్పందన తెలుసుకోవాలనే భావన ఉండటం ఎంతో సహజం.మిగిలిన సాధనాలతో పోలిస్తే బ్లాగుల్లో తక్షణస్పందన ఎంతో సులభం,స్వల్పఖర్చు,కాలం సరిపోతాయి.అయితే బాగా విశ్లేష్ణాత్మకంగా రాయాలంటే దేనికయినా ఎక్కువ సమయం కావాల్సిందే అనేది నిర్వివాదాంశం.కానీ రకరకాల కారణాలతో ఆ స్పందన కరువౌతోంది.
తాను రాసిన రచన మీద పాఠకులు ఏమనుకుంటున్నారో అని రచయిత భావిస్తుండగా ఆ ఏమి రాద్దంలే కామెంటు అని పాఠకులు అనుకుంటూ పోతే ఇక దానికి అంతమెక్కడ? ప్రస్తుతానికి దాదాపు పాఠకులందరూ బ్లాగర్లే,బ్లాగ్లోకంలోకి ప్రవేశం కోసం ఒక బ్లాగునారంభించి ఇక అక్కడుంచి కేవలం వ్యాఖ్యానాలకే పరిమితమై పోతున్నవారినీ మనం చూస్తున్నాం.నాకు లాగా ఏదిపడితే అది రాయటం కాకుండా ఎంపిక చేసుకున్న అంశాల మీద రాయటం, రాయగలటం,ఒక కళ,తమ రచనల కోసం జనాన్ని ఎదురు చూసేలా చెయగలగటం మరో మహత్తర కళ.కానీ ఎందుచేతనో ఆ కళాకారులు పెద్దసంఖ్యలో దర్శనమివ్వట్లేదు.
కాసేపు ఆంగ్ల బ్లాగుల్లోకి వెళితే .....

బ్లాగుల బాగోగులు

2007-12-17T09:14:00.000-08:00

తెలుగు బ్లాగర్ల సంఖ్య తో పాటు వాసి కూడా పెరుగుతుండటం ఆహ్వానించదగ్గ పరిణామం. అమెరికా బ్లాగర్లతో పోలిస్తే మన దేశంలో ముఖ్యంగా తెలుగులో బ్లాగురచన అనేది కొంచెం వెనుక ప్రారంభమయినా ఈరోజు గణనీయమైన సంఖ్యలో తెలుగు బ్లాగులు వెలువడుతున్నాయి.కూడలి,జల్లెడ,తేనెగూడు,తెలుగుబ్లాగర్స్ డాట్ కాం వంటివారి సేవ ఎంత చెప్పినా ఈవిషయంలో తీర్చుకోలేనిది.బ్రిటానికా, ఎన్ కార్టా వంటి వాటికి ధీటుగా ప్రత్యామ్నయ విజ్ఞాన సర్వసం గా దినదినాభివృద్ధి చెందుతున్న వికిపీడియా లో తెలుగు వారి వంతు ప్రశంసనీయంగా పెరిగిందంటే బ్లాగరుల సహాయ సహకారాలే ప్రధాన కారణం.

గతంలో ఏకొద్దిమందికో పరిమితమైపోయిన బ్లాగులు క్రమక్రమగా జనాభాలో ఎక్కువ మందికి అందుబాటులోకి రావటానికి సాంకేతిక కారణాలతోపాటు సాంస్కృతిక అంశాలూ దోహదం చేస్తున్నాయి.ఎందరో ప్రతిభావంతమైన రచనలను తమ బ్లాగుల ద్వారా మనకు అందిస్తున్నారు.ఎంతో మంది మట్టిలో మాణిక్యాల లాంటి సృజన శీ లులు బ్లాగులలోకంలో తమపాదముద్రలను ప్రతిష్ఠిస్తున్నారు. అదీఇదీ అని పరిమితులు లేకుండా దాదాపుగా సమకాలీన సమాజంలోని అన్ని విషయాలమీద తమ అభిప్రాయాలను స్పష్టంగా,తమదైన శైలిలో వ్యక్తీకరిస్తున్నారు.

పాఠకులు ఇచ్చే సూచనల మేరకు ఎప్పటికప్పుడు తమ భాష,రచనా సంవిధానంలో మార్పులు చేసుకుంటూ మరిన్ని మెరుగులు దిద్దుతున్నారు.కళలు,సాహిత్యం,సినిమా.హాస్యం,కవిత్వం,సాహితీ విమర్శ, రాజకీయాలు,సాంకేతిక రంగం ఇలా ప్రతి అంశాలోనూ నిష్ణాతులైన రచయితలు బ్లాగర్లలో ఉన్నారు. అయితే ఇక్కద కొన్ని కీలకాంశాలను కూడా ప్రస్తావించుకోవాలి.లబ్ధ ప్రతిష్తులైన ఎందరో ఏ కారణాల చేతనో తెలియదు కాని బ్లాగుల రచనలకు దూరంగా ఉంటున్నారు.కొందరికి తమ రచన మీద బ్లాగుల్లో ఎంతో రసవత్తరమైన చర్చ జరిగిన విషయం కూడా తెలియట్లేదు .అది వారి తప్పు అని మనం అనలేము.వారిని క్రమక్రంగా బ్లాగురచనలకు ప్రోత్సాహించాలి.ఒక మిత్రుడు అన్నట్లు ఆర్ధిక కారాణాలు కూడా ఇందులో అంతర్భాగం కావచ్చేమో కానీ అదే అసలు కీలకం అని నేను భావించటం లేదు.సందర్భం వచ్చింది కాబట్టి,బ్లాగు రచనల ద్వారా ఏమయినా రాబడి ఉంటుందేమో కనీసం భవిష్యత్తులో యాడ్ సెన్స్ కాకుండా పెద్దలు ఆలోచించాలి.ఈ యాడ్ సెన్స్ మతలబు ఏమిటో ఇంతవరకూ నాకు అంతుబట్టలేదు,బహుశా నాలాంటి వారు ఇంకెందురున్నారో.

బ్లాగర్లలో ఎక్కువ మందిని కలవరపెడుతున్న అంశం మరింత పాఠకాదరణ పొందటం.దాదాపు అన్ని బ్లాగులకూ పాఠకులున్నారు,ఉంటారు కూడా. కానీ బ్లాగరు తాను ఎంతో శ్రమకోర్చి రాసినప్పుడు పఠితల స్పందనను ఆశించటంలో తప్పు లేదు.కానీ ఇక్కడ అదే కొరవడుతోంది చాలా మంది విషయంలో. అన్ని బ్లాగులూ చదివి అందర్నీ వ్యాఖ్యానాలు చేయమని అనలేము గాని,నచ్చితే ఒకముక్క,నచ్చక పోతే రెండు ముక్కలు రాసేందుకు అవకాశముంది.కామెంట్లు రాయటంవల్ల ఒక రచన మీద మన అంచనా రచయితకు తెలియ జేయొచ్చు అలాగే మనలోని చోటా సాహితీ విమర్శకుడికి ఒక దారీ చూయించొచ్చు.
బ్లాగును ఎక్కువ మంది పాఠకుల వద్దకు తీసుకు వెళ్ళటం అనేది మరో అంశం. ఎవరికి వారు బ్లాగు రాసుకున్నా ఒక యాగ్రిగేటరు సాయం లేనిదే ఆ బ్లాగ్ వెలుగు చూసే అవకాశాలు తక్కువ కాబట్టి ముందా యాగ్రిగేటరును ప్రజబాహుళ్యంలో ప్రచారం చేయాలి.తద్వారా స్వామికార్యం స్వకార్యం రెండూ నెరవేరే అవకాశం ఉంది.

అదే విధంగా వీలయినన్ని డైరెక్టరీలలో మన బ్లాగును సబ్మిట్ చేయటంవల్ల కూడా కొంతమేరకు ఫలితాలు ఆశాజనకంగా ఉండొచ్చు.దాని వల్ల తెలుగు బ్లాగులుతో పాటు మనమూ విదేశీజనాల కళ్ళల్లొ పడే అవకాశం ఉంది. నేను తెలుగులో బ్లాగు ప్రారంభించిన కొత్తలో టెక్నొరటిలో నార్యాంకు నలభై నాలుగు లక్షల చిల్లర కొద్ది రోజుల తర్వాత ఇరవై లక్షల చిల్లర అంటే సుమారు 30లక్షలకు దగ్గరలో స్థిరంగా ఉండి పోయింది.అదేవిధంగా సులేఖా లో కూడా ప్రయత్నించొచ్చు.

ఇంకా ఉంది....

ఔనేమో?కాదంటారా?

2007-12-06T21:15:00.000-08:00

పెద్దలు,దీప్తిధార సిబిరావు గారు ---"బ్లాగులు చదివేది,కామెంట్లు రాసేది తోటి బ్లాగరులే కాని,పాఠకులు కాదు.Anonymous గా వ్యాఖ్యలు రాసేది కూడా బ్లాగరులే.Popularity కోసం వారి టపాలపై,వారే వ్యాఖ్యలు రాసేది బ్లాగరులే.బ్లాగు ప్రజలకు చేరటం లో విఫలమయ్యింది" అంటున్నారు.వారి వాదనలో నిజముందా?పాపులారిటి కోసం పాకులాడటం వల్ల బ్లాగర్లకు వచ్చే ప్రయోజనాలేమయినా ఉన్నాయా?బ్లాగు ఒక సమచార సాధనంగా ప్రజలకు చేరటంలో విఫలమయ్యిందనే రావు గారి మాటల్లో నిజమెంత?మన దేశాని సంబంధించి బ్లాగులవర్తమానం,భవిష్యత్తు ఎలా ఉంది,ఉండబోతుంది?తెలియచేయండి.

చర్చావేదిక

2007-12-06T10:33:00.000-08:00

చర్చావేదికకు స్వాగతం.వృత్తివ్యాపకాల్లో క్షణం ఖాళీ లేకుండా గడిపే మీఅందరికీ,తెలుగుభాషను అంతర్జాతీయంగా ప్రాచుర్యంలోకి తెచ్చేందుకు మీరు చేస్తున్న కృషినీ అభినందిస్తూ ఈ చర్చావేదికలోకి అహ్వానిస్తున్నాను.ఎవరి బ్లాగులు వారివిగా మిగిలిపోతూ రచయితలకూ,కామెంట్లు చేసే వారికి మాత్రమే పరిమితమయి పోతున్న సమయంలో ఈ చర్చా వేదిక భిన్నాంశాలను,ప్రస్తావిస్తూ,చర్చిస్తూ,ఎక్కువమందికి అమోదయోగ్యమైన, ఆచరణకు అనుకూలమయిన పరిష్కారాలను కనుగొనే దిశగా పయనిస్తుంది.ఇక్కడ ఎవరయినా ఒక అంశాన్ని ప్రస్తావించొచ్చు,వ్యాఖ్యానించొచ్చు.కానీ వ్యక్తిగతదూషణలూ,కులమతప్రాంతీయ,భాషా వైషమ్యాలను ప్రేరేపించేవిగా ఉండకూడదు. అనానిమస్ అనే ముసుగుమనుషుల వ్యాఖ్యానాలు ఇక్కడ అనుమతించబడవు.
రండి,ప్రవహించండి జీవనదిలా,ప్రాణవాయువులా,పచ్చనిపైరు లా,నులివెచ్చని నెగడులా, అందరిపై కప్పు ఆకాశంలా....